بدین میں ہوا نو لکھی گدھوں کا سالانہ میلہ

بدین (میڈیا92نیوز)

ضلع بدین میں نولکھی گدھوں کا سالانہ میلہ سج گیا جہاں گدھوں کی شرارتوں اور سج دھج نے میلے کی رونقوں کو چار چاند لگا دیئے ہیں۔

ویسے تو یہ گدھے ہی ہیں مگر ہیں بڑے کمال کے، مالکان کے لاڈ پیار نے انہیں کچھ ایسا بگاڑا ہے کہ کچھ زیادہ ہی شرارتی ہو گئے ہیں۔

ان گدھوں کی قدروقیمت دیکھ کر انسان کو اپنی بے قدری کا احساس ہونے لگتا ہے کیونکہ ان گدھوں کی قیمتیں لاکھوں میں ہیں۔

ٹنڈو غلام علی میں لگی ہے گدھوں کی سالانہ منڈی جو گدھوں کی سج دھج کے سبب منڈی کم اور میلہ زیادہ لگتی ہے، جہاں ملک بھر سے گدھے ہی نہیں لائے جاتے خریدار بھی آتے ہیں، مالکان اپنے نسلی گدھوں پہ فخر کرتے دکھائی دیتے ہیں۔
یہ گدھے گھی پیتے ہیں اور پستہ، بادام کھاتے ہیں، یقین نہ آنے پر یہ گدھے اپنے دانتوں میں پھنسے میوا جات بھی دکھاتے ہیں۔

یہ بھی چیک کریں

جہانگیر ترین کی لاہور میں سیاسی سرگرمیاں

لاہور(نیٹ نیوز) تیمور لالی اور مشیر وزیراعلیٰ فیصل حیات جبوانہ کی جہانگیر ترین سے ملاقات۔ …