امریکی بحریہ کا پہلی بار سمندر سے خلا میں بین البراعظمی میزائل تباہ کرنے کا تجربہ

امریکی بحریہ کا پہلی بار سمندر سے خلا میں بین البراعظمی میزائل تباہ کرنے کا تجربہ

ینٹاگون: (میڈیا92نیوز) امریکی بحریہ نے اپنی تاریخ میں پہلی بار سمندر سے ایک میزائل شکن میزائل (انٹرسپیٹر) لانچ کیا ہے۔ اس سسٹم سے خلا میں موجود بین البراعظمی میزائل یا ( آئی سی بی ایم) کو تباہ کردیا گیا ہے۔

اس عمل کے لیے امریکی بحریہ نے میزائل ڈیفنس ایجنسی کے تعاون سے ایک ایس ایم تھری ٹو اے کی بدولت خلا تک پہنچ جانے والے میزائل کو تباہ کیا۔ پینٹاگون کے مطابق یہ تجربہ 17 نومبرکو کیا گیا تھا۔ دفاعی ماہرین کے مطابق شمالی کوریا بارہا مرتبہ بین البراعظمی میزائلوں کا تجربہ کرچکا ہے اور اسے امریکا پر گرانے کی دھمکیاں بھی دے چکا ہے۔ اسی تناظر میں امریکی دفاعی اداروں بالخصوص میزائل ڈیفنس ایجنسی (ایم ڈی اے) نے یہ ٹیسٹ کیا ہے۔

امریکی جزیرے ہوائی کے شمال مشرق میں واقع رونالڈ ریگن میزائل ڈیفنس سسٹم کی تنصیبات سے یہ تجربہ کیا گیا اور اس میں میزائل انٹرسیپٹر ہر طرح سے کامیاب رہا۔

اسے ایجز بی ایم ڈی نامی ایک بحری جنگی جہاز سے لانچ کیا گیا تھا۔ اگرچہ یہ اپنی نوعیت کا چھٹا تجربہ تھا لیکن بحری جہاز سے آئی سی بی ایم کو مارگرانے کا پہلا تجربہ تھا۔ اگرچہ یہ تجربہ اس سال مئی میں ہونا تھا لیکن کووڈ 19 کی وبا کے سبب اس میں تاخیر ہوئی۔

یہ بھی پڑھیں

سخت ذہنی دباؤ کے باوجود قومی کرکٹ ٹیم کا دورہ نیوزی لینڈ جاری رکھنے کا فیصلہ

سخت ذہنی دباؤ کے باوجود قومی کرکٹ ٹیم کا دورہ نیوزی لینڈ جاری رکھنے کا فیصلہ

(میڈیا92نیوز)قومی کھلاڑیوں نے سخت ذہنی دباؤ اور مشکل ترین حالات کے باوجود نیوزی لینڈ کا …