تازہ ترین خبریں

مولانا فضل الرحمان کو قوم کا نہیں اقتدار کا درد ہے: میاں اسلم اقبال

لاہور(میڈیا92نیوز آن لائن) میاں اسلم اقبال نے کہا ہے کہ مولانا فضل الرحمان کو قوم کا نہیں اقتدار کا درد ہے، انہیں آج کشمیر کمیٹی میں بٹھا دیا جائے تو ساری پریشانی دور ہو جائے گی۔پنجاب کے وزیر اطلاعات میاں اسلم اقبال نے لاہور میں کھلی کچہری کے موقع پر میڈیا سے گفتگو میں کہا کہ مولانا فضل الرحمن کو آج آزادی مارچ یاد آ رہا ہے وہ ضرور کریں، اسلام کے نام پر آزاد ی مارچ کے لئے پیسا اکٹھا کیا جا رہا ہے، مولانا نے ہمیشہ اسلام کے نام پر پیسا اکٹھا کر کے اپنی ذات پہ خرچ کیا۔

میاں اسلم اقبال کا کہنا تھا کہ ڈینگی کے خلاف جنگ میں عوام سے تعاون کی اپیل ہے، اس میں کوئی شک نہیں کہ ڈینگی کی وبا پورے پاکستان میں پھیلی ہے، سب سے زیادہ ڈینگی کا مسئلہ راولپنڈی میں پیش آیا ہے، متعلقہ ڈی سی نے مانیٹر نہیں کیا۔ انہوں نے کہا ڈینگی کے حوالے سے تمام ٹیسٹ فری کر دیئے ہیں مزید اقدامات کر رہے ہیں، جس نے اس حوالے سے پرفارم نہیں کیا اس کے خلاف وزیر اعلی نے ایکشن لیا۔

یہ بھی پڑھیں

ینگ ڈاکٹرز کو شرم آنی چاہیے مریضوں سے ظلم کررہے ہیں ۔ صحت ڈاکٹر یاسمین راشد

لاہور(میڈیا92نیوز آن لائن) گرینڈ ہیلتھ الائنس کی ہڑتال پر وزیر صحت ڈاکٹر یاسمین راشد برہم …