تازہ ترین خبریں

کابینہ میں تبدیلی کا فیصلہ، فردوس عاشق بچ گئیں

لاہور (میڈیا92نیوز آن لائن نیوز) وزیراعظم عمران خان نے وفاقی کابینہ میں بڑی تبدیلیوں کا فیصلہ کرلیا اور دورہ چین سے واپسی پر وہ اعلیٰ سطح کی مشاورت کے بعد کابینہ میں ردوبدل کریں گے۔ذرائع کے مطابق وزارت داخلہ، وزارت پیٹرولیم، وزارت امورِ کشمیر، وزارت منصوبہ بندی، صنعت و پیداوار سمیت 9 وفاقی وزیروں کے قلمدان تبدیل ہوسکتے ہیں۔

ذرائع کا کہنا ہے کہ وزیراعظم نے معاون خصوصی برائے اطلاعات و نشریات فردوس عاشق اعوان کو فی الوقت کام جاری رکھنے کی ہدایت کر دی ہے جبکہ وزیراعظم وزارتِ داخلہ کا قلم دان اپنے پاس بھی رکھ سکتے ہیں۔

خیال رہے کہ گزشتہ دنوں بھی یہ خبریں سامنے آئی تھیں کہ وزیراعظم نے وفاقی کابینہ میں اہم تبدیلیوں کا فیصلہ کرلیا ہے جس کے بعد کابینہ میں 8 سے 10 وزراء کے قلمدان تبدیل کیے جائیں گے۔

وزیراعظم عمران خان کی کابینہ میں تبدیلی کا امکان مسترد

ذرائع نے بتایا تھا کہ شفقت محمود کو وفاقی وزارت داخلہ کا قلمدان سونپے جانے کا امکان ہے جبکہ علی محمد خان کو وزیر مملکت برائے پارلیمانی امور سے ہٹائے جانے کا امکان ہے۔

تاہم وزیراعظم کے معاون خصوصی برائے سیاسی امور نعیم الحق نے وفاقی کابینہ میں تبدیلی کی خبروں کو مسترد کردیا تھا۔

یہ بھی پڑھیں

ینگ ڈاکٹرز کو شرم آنی چاہیے مریضوں سے ظلم کررہے ہیں ۔ صحت ڈاکٹر یاسمین راشد

لاہور(میڈیا92نیوز آن لائن) گرینڈ ہیلتھ الائنس کی ہڑتال پر وزیر صحت ڈاکٹر یاسمین راشد برہم …