تازہ ترین خبریں
ارطغرل غازی نے بیمار پاکستانی بچوں کی خواہش پوری کردی

ارطغرل غازی نے بیمار پاکستانی بچوں کی خواہش پوری کردی

کراچی: ترک اداکار اینگن التان دزیاتن پاکستان میں ارطغرل غازی کے نام سے مشہور ہیں نے گزشتہ روز تین پاکستانی بیمار بچوں کی خواہش پوری کی جو ان سے ملنا چاہتے تھے۔

پاکستان میں ترک ڈرامے ’’ارطغرل غازی‘‘ نے کامیابی کے ریکارڈز توڑ دئیے ہیں اور ڈرامے کے ہیرو اینگن التان دزیاتن پاکستان کے پسندیدہ ہیرو بن چکے ہیں۔ ارطغرل کے پاکستانی مداح اینگن التان اور ڈرامے کی دیگر کاسٹ سے ملنے کے لیے بے تاب ہیں جب کہ پاکستانیوں کی محبت کو دیکھتے ہوئے ترک اداکار بھی پاکستان آنے کا خواہش کا اظہار کرچکے ہیں۔

تاہم گزشتہ روز اینگن التان نے تین پاکستانی بچوں فضا، سدرہ خان اور سہیل عمر سے ملاقات کرکے بچوں کی خواہش پورا کیا حالانکہ یہ ملاقات براہ راست نہیں تھی بلکہ اینگن التان نے فیس بک پر لائیو ویڈیو کے ذریعے بچوں سے ملاقات کی تھی۔
اینگن التان اور بچوں کی ملاقات کے لیے میک اے وش فاؤنڈیشن نے کراچی میں تقریب کا اہتمام کیا تھا جس کی میزبانی عائشہ عمر نے کی تھی۔ تقریب میں ہمایوں سعید، زیبا بختیار اور ہدایت کار ندیم بیگ نے بھی شرکت کی تھی اور ہمایوں سعید نے اینگن التان کو بتایا کہ انہوں نے ارطغرل غازی کے تمام سیزنز دیکھ لیے ہیں اور انہیں اینگن کی اداکاری بہت پسند آئی ہے۔ اس کے علاوہ انہوں نے ترک اداکار سے بہت جلد ملاقات کرنے کا عندیہ بھی دیا۔

فیس بک پر لائیو ویڈیو کے دوران پاکستانی بچوں نے اینگن التان سے بات کرتے ہوئے کہا کہ انہیں ڈراما ’’ارطغرل غازی‘‘ بہت پسند آیا ہے اور وہ ان کے مداح بن گئے ہیں جس پر اینگن التان نے اتنی محبت دینے پر بچوں کا اور تمام پاکستانیوں کا شکریہ ادا کیا۔

اینگن التان نے مزید کہا کہ انہیں بچوں سے بات کرکے بہت اچھا لگا اور وہ جلد اپنے پاکستانی بہن بھائیوں سے ملاقات کرنے پاکستان آئیں گے۔

واضح رہے کہ میک اے وش فاؤنڈیشن ان بچوں کی خواہش کو پورا کرتی ہے جو مہلک بیماریوں میں مبتلا ہوتے ہیں۔

یہ بھی پڑھیں

اصل تبدیلی تو سعودی عرب میں آئی ہے،سعودی خاتون نے ایسا کام شروع کر دیا کہ نوجوانوں کی لائنیں لگ  گئیں

اصل تبدیلی تو سعودی عرب میں آئی ہے،سعودی خاتون نے ایسا کام شروع کر دیا کہ نوجوانوں کی لائنیں لگ گئیں

لاہور(میڈیا 92 نیوز رپورٹ) ڈاکٹر ماجد خان سے اصل تبدیلی تو سعودی عرب میں آئی …