بیوی کو منانے کیلیے کالا جادو کرانیوالے شوہر سے 25 لاکھ کا فراڈ

بیوی کو منانے کیلیے کالا جادو کرانیوالے شوہر سے 25 لاکھ کا فراڈ

فیصل آباد: ناراض بیوی کو منانے کے لیے کالا جادو کرانے والے شوہر سے 25 لاکھ مالیت کا مبینہ فراڈ ہوگیا۔

ناراض بیوی کو منانے کے لیے کالا جادو کرانے والے متاثرہ شہری نے جعلی عامل گروہ کے خلاف پولیس کو درخواست دی۔

محسن شہزاد نامی متاثرہ شہری نے پولیس کو بیان دیا کہ انہوں نے سوشل میڈیا پر اشتہار کے ذریعے عامل سے رابطہ کیا تھا۔

متاثرہ شہری نے اپنی درخواست میں کہاکہ جعل ساز گروہ نے کالے جادو کے ماہر عامل بن کر سوا 8 لاکھ روپے نقد لیے جب کہ ملزمان نے عملیات کے لیے 15 تولے زیورات بھی ہتھیالیے، ملزمان نے 3 لاکھ 75 ہزار آن لائن، 5 لاکھ نقدی اور زیورات خود وصول کیے۔

پولیس نے تھانہ ڈجکوٹ میں باپ بیٹوں اور 2 خواتین سمیت 8 افراد کے خلاف مقدمہ درج کر کے کارروائی کا آغاز کردیا۔

یہ بھی پڑھیں

سال 2020 میں لاکھوں افراد موسمیاتی شدت کی باعث نقل مکانی پرمجبور،رپورٹ

سال 2020 میں لاکھوں افراد موسمیاتی شدت کی باعث نقل مکانی پرمجبور،رپورٹ

(میڈیا92نیوز)پاکستان میں ٹڈی دل کا حملہ ہوا اور کراچی سمیت ملک کے کئی علاقوں میں …