تازہ ترین خبریں
جنگ بندی معاہدے کی خلاف ورزی، سینئر بھارتی سفارتکار کی دفترخارجہ طلبی

جنگ بندی معاہدے کی خلاف ورزی، سینئر بھارتی سفارتکار کی دفترخارجہ طلبی

جنگ بندی معاہدے کی خلاف ورزی پر سینئر بھارتی سفارتکار کو دفتر خارجہ طلب کرکے شدید احتجاج ریکارڈ کرایا گیا ہے۔

ترجمان دفتر خارجہ زاہد حفیظ چودھری کی جانب سے جاری بیان میں کہا گیا ہے کہ بھارت کی طرف سے 12 اگست کو ایل او سی پر جنگ بندی معاہدے کی خلاف ورزی کی گئی۔ بھارتی فورسز کی بلا اشتعال فائرنگ سے 2 معصوم شہری شدید زخمی ہوئے

بیان میں کہا گیا ہے کہ بھارتی قابض فوج ایل او سی اور ورکنگ باؤنڈری پر مسلسل سول آبادی کو نشانہ بنا رہی ہے۔ رواں برس بھارت 1961 مرتبہ سیز فائر معاہدے کی خلاف ورزی کر چکا ہے۔ بھارتی اشتعال انگیزیوں سے 16 معصوم شہری شہید جبکہ 160 شہری زخمی ہوئے۔

زاہد حفیظ چودھری کا کہنا تھا کہ بھارت کی جانب سے معصوم شہریوں کو جان بوجھ کر نشانہ بنانا قابل مذمت ہے۔ بھارت کی جانب سے اشتعال انگیزی 2003ء کے سیز فائر معاہدے کی خلاف ورزی ہے۔ بھارت کی اشتعال انگزیزی خطے میں امن وسلامتی کے لیے خطرہ ہے۔

بیان میں کہا گیا ہے کہ بھارت ان حرکتوں سے مقبوضہ کشمیر کی صورتحال سے دنیا کی توجہ نہیں ہٹا سکتا۔ بھارت اقوام متحدہ سلامتی کونسل کی قراردادوں پر عمل درآمد اور 2003ء کے سیز فائر معاہدے کی پاسداری کو یقینی بنائے۔

یہ بھی پڑھیں

اصل تبدیلی تو سعودی عرب میں آئی ہے،سعودی خاتون نے ایسا کام شروع کر دیا کہ نوجوانوں کی لائنیں لگ  گئیں

اصل تبدیلی تو سعودی عرب میں آئی ہے،سعودی خاتون نے ایسا کام شروع کر دیا کہ نوجوانوں کی لائنیں لگ گئیں

لاہور(میڈیا 92 نیوز رپورٹ) ڈاکٹر ماجد خان سے اصل تبدیلی تو سعودی عرب میں آئی …