یہ چھوٹا بچہ نہیں بلکہ 33 سالہ آدمی ہے!

یہ چھوٹا بچہ نہیں بلکہ 33 سالہ آدمی ہے!

لاہور ( میڈیا 92 نیوز رپورٹ)

ماسکو: تصویر میں نظر آنے والے ’’بچے‘‘ کا نام ڈینس فاشورین ہے اور یہ روس کا باشندہ ہے۔ لیکن ٹھہریئے! یہ کوئی چھوٹا بچہ ہر گز نہیں بلکہ ایک ’’آدمی‘‘ ہے جو 1987 میں پیدا ہوا تھا اور آج اس کی عمر 33 سال ہے۔

چند روز پہلے ایک روسی یوٹیوبر نے ڈینس کا انٹرویو کیا، جس کے بعد وہ سوشل میڈیا پر مقبول ہوگئے۔ انسٹاگرام پر denvashurin125 کے نام سے ان کا اکاؤنٹ ہے جس کے فالوورز کی تعداد 4600 سے زیادہ ہے۔

انٹرویو کے دوران ڈینس نے بتایا کہ جب وہ بہت چھوٹے تھے، تب ہی سے ان کے والدین کو اندازہ ہوگیا تھا کہ وہ اپنی اصل عمر کے مقابلے میں بہت چھوٹے دکھائی دیتے ہیں۔

یہ چھوٹا بچہ نہیں بلکہ 33 سالہ آدمی ہے!

اپنے قد کاٹھ اور چہرے مہرے سے وہ آج بھی اسکول میں پڑھنے والے بچے کی طرح لگتے ہیں۔ شاید اسی وجہ سے انہوں نے کسی شہر میں منتقل ہونے کے بجائے اپنے آبائی علاقے کراسنویارسک کے ایک قصبے میں رہنے ہی کو ترجیح دی۔

یہاں وہ اپنا وقت زیادہ آزادی اور بے فکر سے گزارتے ہیں، شکار کھیلتے ہیں، مچھلیاں پکڑتے ہیں اور اپنے گھر والوں کے ساتھ خوش رہتے ہیں۔

یہ چھوٹا بچہ نہیں بلکہ 33 سالہ آدمی ہے!

پختہ عمر میں آجانے کے باوجود وہ کیوں کسی بچے کی طرح نظر آتے ہیں؟ اس سوال کے جواب میں ڈینس کا کہنا تھا کہ انہیں یہ جاننے میں کوئی دلچسپی نہیں، اسی لیے وہ آج تک کسی ڈاکٹر یا ماہر کے پاس یہ معلوم کرنے نہیں گئے کہ وہ اتنے کم عمر کیوں دکھائی دیتے ہیں۔

یہ چھوٹا بچہ نہیں بلکہ 33 سالہ آدمی ہے!

اپنی اصل عمر سے بہت چھوٹے دکھائی دینے والوں کی کوئی کمی نہیں لیکن ایسے افراد کی تعداد بہت کم ہے جو اچھے خاصے عمر دار ہوجانے کے باوجود بھی نابالغ بچے جیسے دکھائی دیں۔ ڈینس فاشورین بھی ان ہی میں سے ایک ہیں۔

یہ بھی پڑھیں

آئی جی سندھ سمیت اعلیٰ پولیس افسران آج وزیراعلیٰ ہاؤس طلب

آئی جی سندھ سمیت اعلیٰ پولیس افسران آج وزیراعلیٰ ہاؤس طلب

کراچی واقعے کے بعد آئی جی سندھ اور دیگر پولیس افسران کی جانب سے چھٹیاں …