fbpx

عثمان خواجہ نے کوہلی کے ہوش اُڑا دیے

ایڈیلیڈ (سپورٹس ڈیسک/میڈیا92نیوز) آسٹریلیا اور بھارت کے درمیان ایڈیلیڈ میں آج سے شروع ہوئے پہلے ٹیسٹ میں عثمان خواجہ نے ویرات کوہلی کا ناقابل یقین کیچ کے کر سب کو حیران کر دیا، ان کے کیچ کی سوشل میڈیا پر خوب دھوم مچی ہوئی ہے۔ایڈیلیڈ ٹیسٹ میں بھارتی ٹیم نے ٹاس جیت کرپہلے بیٹنگ کا فیصلہ کیا تو بھارتی قائد ویرات کوہلی کو امید تھی کہ ان کی ٹیم ایڈیلیڈ کے گراؤنڈ میں رنز کا انبار لگا دے گی، تاہم نتیجہ ان کی امید کے مطابق نہ نکل سکا۔بھارتی اننگز کے دوسرے ہی اوور سے وکٹ گرنے کا سلسلہ شروع ہوا، کے ایل راہل کے آؤٹ ہونے کے فورا بعد مرلی وجے کو مچل اسٹارک نے 11 کے مجموعی اسکور پر پویلین کی راہ دکھائی، اس صورتحال میں کوہلی بیٹنگ کیلئے آئے تو وہ بھی خاطر خواہ مزاحمت نہ کرسکے اور 3 رنز بنا کرپیٹ کمنس کا شکار بنے۔بھارت کی جانب سے تیجشور پجارا کے علاوہ کوئی بلے باز خاطر خواہ کارکردگی نہیں دکھا پایا، پجارا نے 123 رنز بنائے، میچ میں آسٹریلوی بولرز نے مسلسل آف اسٹمپ کے باہر بھارتی کھلاڑیوں کو بال کرائے اور تواتر کے ساتھ وکٹ لینے میں کامیابی حاصل کی۔ویرات کوہلی کو پیٹ کمنس نے اپنے پہلے ہی اوورمیں 3 کے انفرادی اسکور پر پویلین کی راہ دکھائی ، ان کا ایک ہاتھ سے فل ڈائیو لگا کر ناقابل یقین کیچ عثمان خواجہ نے لیا، جسے دیکھ کر کوہلی سمیت دیگر تمام کھلاڑی بھی ہکا بکا رہ گئے، خواجہ کے اس کیچ کی سوشل میڈیا پرخوب واہ واہ ہورہی ہے۔

یہ بھی چیک کریں

Goldberg کی کک نے کس مشہور ریسلر کا کیرئیر ختم کردیا تھا؟ جانیئے

لاہور(سپورٹس ڈیسک/میڈیا92نیوز) ولیم سکاٹ گولڈ برگ (دسمبر 27، 1 9 66 کا پیدائش) ایک امریکی …